كان متعود كل لما يجيله فلوس يطلع عشورها ويشيلها في درج المكتب لحد مايحوش مبلغ ويديه للي محتاجه
في مرة الفلوس اللي معاه في البيت خلصت
وتعب جدا وكان محتاج يروح للدكتور ومش عارف يتصرف
ولا قادر يقول لحد سلفني تمن الكشف
فتح الدرج وخد ٣٠٠ جنيه من العشور اللي بيحوشها لربنا
وقاله يارب انت عالم الضيقه والحال
ده دين في رقبتي وهرده تاني اول مايجيلي فلوس
- راح للدكتور .. وبعد ماكشف عليه
قاله هو حضرتك استاذ فلان الفلاني .. فيه حد جه من ساعه ودفعلك الكشف .. وانت خارج خد الفلوس اللي دفعتها
صاحبنا كان هايتجنن مين اللي دفعله الفلوس
- نزل الصيدلية اللي تحت العياده يجيب العلاج
بعد ماجاب كل العلاج لقي الصيدلي بيقوله هو حضرتك استاذ فلان الفولاني
خلاص حساب الدوا خالص ... فيه حد جه وساب مبلغ وقال اللي هايتبقي اديهولك
وآدي الباقي .. اتفضل حطه في جيبك
صاحبنا خد الدوا والباقي وهو ماشي هايتجنن
جه يوقف ميكروباص علشان يروح
لقى تاكسي واقف بيزمرله وبيشاورله وبيقوله اركب
بيقول لسواق التاكسي انت تعرفني ؟
قاله فيه حد وقفني وقالي خد الراجل اللي هايطلع من الصيدليه ده وصله لحد البيت
وسابلي الحساب
- وصل البيت .. لقي صاحب الشقه اللي مأجر منه بيندهله وبيقوله
الشهر المتاخر عليك فيه حد جه ودفعهولك .. ودفع فوق منه سنه كمان مقدم
صاحبنا كل اللي طالع عليه انه عمال يعيط
لا بيسأل عن اوصاف الشخص ده ولا حتى بيدور علي كاميرات تتفرغ علشان يعرف هو مين او علي الاقل احنا كمان نعرف !!
كل اللي طالع عليه بيقول شكرا يارب
استلف منك ٣٠٠ جنيه كشف ودوا
تعوضني كل التعويض ده وترجعني كمان بتاكسي !
- بيحكي لمراته .. قالتله طيب ارجع وفرغ الكاميرات واعرف مين عمل كده على الاقل تشكره ، شوف مين عارف ان ظروفك تعبانه او اتكلمت قصاده عن احتياجك ومشي وراك وعمل كل ده في الخفاء !!
قالها حتى لو كلامك صح ، محدش هايعمل كده لوحده غير لو ربنا اللي باعته ، اسمعي مني ده ربنا انا عارف
هاتساعدي ببرشامه هيعوضك بصيدلية
هتساعدي بأجرة ميكروباص هايرجعك بتاكسي
وحده اللي بيبعت ترقيه مش في ميعادها ونسل رغم استحالة الخلفه ومايه رغم جفاف الينابيع
ليه اتعب نفسي واعرف مين عمل كده رغم اني متأكد انه ربنا !!
- صاحبنا فتح درج المكتب علشان يحط الباقي بتاع الصيدلية وبيقول الفلوس دي يارب بقي من نصيب اخواتي الغلابه
بيعدهم .. لقاهم ٣٠٠ جنيه بالظبط
ضحك وقال .. كنت عارف انه انت
انشرها وطمن غيرك
مايكل سامي

Michael Samy